Галуут нутгийнхаа хатан гоо бүсгүйчүүд та бүхэндээ “Олон улсын эмэгтэйчүүдийн эрхийг хамгаалах өдөр”-ийн гал халуун мэндийг Галуут нутгийн Иргэдийн Төлөөлөгчдийн хурал, Засаг даргын тамгын газрын өмнөөс болон сумынхаа нийт эрчүүдийн нэрийн өмнөөс хүргэж байна.

Орчлонд өөрийгөө мартаж бүгдийг хайрладаг ганц л хүн байдаг

Охиндоо хүслээ, насаа, зүсээ өгсөн ижий тэнгэр тэрээ

Зул бүгээн үдшээр эрхиний бөөр имэрч

Зуун насыг биш үрийнхээ ирээдүйг

Төрийн сүлд газар тэнгэртээ даатгасан

Төрөлх Монгол эхийн эвийн тахилгатай гар дээр

Бүүвэйн дуу хурайлуулж хүн болсон бүхэн

Бүтэн нэртэйгээ мөнхрөх энэрэл хайрыг дуулдаг

Урсан урсан өнгөрөх он цагийн түрлэгээс

Урьтаж яаран ижийдээ шад шүлэг бичье дээ

Харамч хатуу хорвоо өгсөнөө эргээд авчихдаг юм чинь

Хайраар бичсэн мөрүүдээрээ ашдын заяаг нь аргамжаад

Халуун дулаан сэтгэлд нь мөнхийн зул болж

Халхын буяныг дээдэлдэг ижиигээ хайрлаж явья даа

                     Галуут сумын      ИТХ-ын дарга Л.Батсайхан