Галуут сумын Номун Элч ахлах сургуулийн бага боловсролын багш нар боловсролын шинэчилсэн цөм хөтөлбөрийн эхний шатны үйл ажиллагааг сайн хэрэгжүүлснээр яамны хэрэгжилтийн багийнхан гарсан үр дүнг тооцон туршлага судлуулах, сайн хичээл заах, бүсийн арга хэмжээг тус сургууль дээр зохион байгуулахаар сонгож үйл ажиллагааг амжилттай явуулсан билээ, Тус арга хэмжэээнд залуу багш Э.Даваамягмар ” Математик”, багш Д.Мөнхжаргал “Хүн байгаль”, багш С.Ариунсан “Хүн орчин” судлагдахуун, багш Г.Сайнбилэг “Иргэний боловсрол” цаг зааж бүсийн 12 сургуулийн 150 багшид арга зүйгээ түгээж, туршлагаа судлуулсан. Мөн боловсролын шинэчилсэн цөм хөтөлбөрийн хэрэгжилтийн шатанд 2015.03.03-05 ны хооронд “Сайн хичээл” хүүхэд бүрийн хөгжил бүсийн зөвлөгөөн Жаргалант сумын ахлах сургууль дээр зохион байгуулагдлаа. Энэ зөвлөгөөнөөр сайн хичээл заах, заах аргын нэгдлийн үйл ажиллагааны туршлага судлах, хичээлүүдийн нэгдсэн хэлэлцүүлэг, дүгнэлт, зөвлөгөө гэсэн үйл ажиллагаа зохион байгуулагдсан.
      Тус арга хэмжээнд сайн хичээлийг багш С.Ариунсан, О.Оюунбилэг нар “Хүн орчин”, “Монгол хэл” –ний судлагдахуун, багш Б.Тунгалаг “Иргэний боловсрол”-ын цаг зааж багаараа амжилттай оролцон 2 багш, аймагт хоёрдугаар шатанд хичээл зааж оролцох эрх авлаа.