Олон улсын эмэгтэйчүүдийн эрхийг хамгаалах өдөр сумын эмэгтэйчүүд баярын хурал хийлээ. Хурлыг нээж сумын Иргэдийн Төлөөлөгчдийн Хурлын дарга Л.Батсайхан, Засаг дарга С.Баттулга, Засаг Даргын Тамгын газрын дарга Т.Алтантуяа нар үг хэллээ
       Манай сумын эмэгтэйчүүдийн зөвлөлийн дарга Д.Мөнхзул Баянхонгор аймгийн манлай эмэгтэй болж, тэргүүлсэн зөвлөл нь аймагтаа түрүүллээ. Манлай эмэгтэйгээр шалгарсан Д.Мөнхзулд сумын Иргэдийн Төлөөлөгчдийн хурлаас ОХУ-н Улаан-Үүд хотын Итгэлт хамбын мөргөлд аялах эрхийн бичгээр шагналаа. Ахмад багш А.Алтанцэцэгт спортын мастер боллоо. Өндөр настан Х.Сүнжидмаа, Ш.Энэсүрэн, Х.Сарантуяа, эрүүл мэндийн төвийн сувилагч А.Оюунжаргал нар эмэгтэйчүүдийн хүндэт тэмдгээр шагнагдсан бол эмэгтэйчүүдийн байгууллагын 70 жилийн ойн медалиар Нарлаг цэцэрлэгийн туслах багш Ч.Тунгалаг, Н.Бадамсүрэн, Номун Элч ахлах сургуулийн багш Ш.Намжилмаа нар шагнагдлаа. Мөн Хүндэт өргөмжлөлөөр 3 эмэгтэй, Талархалын бичгээр 7 эмэгтэй, эмэгтэйчүүдийн зөвлөлийн шагналаар 1 эмэгтэй тус тус шагнагдсан байна.