Та бүхнийхээ Монгол цэргийн баярыг өргөн дэлгэр тэмдэглэхийн тухайд спортын холбоодууд маань Бөх, шатар, сагс, гар бөмбөг, теннис зэрэг тэмцээнүүдийг амжилттай зохион байгуулж бүх нийтийг энэхүү баярын үйл ажиллагаанд оролцуулан тэмдэглэлээ. Галуутчууд та бүхэндээ төр нь түвшин байж, түмэн олон нь амгалан байхын өлзийтэй ерөөлийг дэвшүүлж эрийн хийморь дэлгэрэн дэвжихийн ерөөл өргөе.
Ханийн түшиг, хатан баатар эр хүн таныг би дээдэлдэг
Хайрын эзэн, халамжийн дээд эр хүн таныг би хайрладаг
Хатуужлын хязгаар, хагдраагүй тогтоц эр хүн таныг би шүтдэг
Хатан бүүвэй, хариу нэхэлгүй эр хүн танд би залбирдаг аа
Эвдрээгүй эргэх орчлонгийн эрхэмсэг алдрай, бүсгүйд та шүтэгддэг
Эндүүцээгүй буурал амьдралын эзэн, ижийд та бишрэгдэн дээдлэгддэг
Элбэрэлгүй сааралтах сүүдэр шиг амьдралыг, өөд нь аваад та босгодог
Эцэсгүй үргэлжлэх аз жаргалын зовлонг нь та нимэглэн жаргаадаг аа
Эр хүн та бурхан заяа, булхайгүй тавилан
Эр хүн та будант тэнгэр, булзайраагүй түшиг
Эр хүн та уудамт хөндий, ухаант мэргэн
Эр хүн та утгат уянга, устамгүй сахиус аа
Галуут сумын
ИТХ-ын дарга Л.Батсайхан Засаг дарга С.Баттулга