Баянхонгор аймгийн Улсын Тэргүүний Галуут сумын хөдөлмөрч, бүтээлч зон олноо манлайлсан нэр бүхий хүмүүсийг "Хөдөлмөрийн Хүндэт медаль", аймгийн ИТХ-ын дээд шагнал "Соёрхол" тэмдэг, аймгийн ИТХ-ын "Хүндэтгэл", аймгийн "Тэргүүний ажилтан", аймгийн Засаг даргын "Жуух бичиг"-ээр шагнасныг аймгийн ИТХ-ын дарга Ц.Отгонбаяр, аймгийн ИТХ-ын төлөөлөгч С.Цэгмид, Галуут сумын ИТХ-ын дарга Г.Дүүрэнбилэг, Засаг дарга С.Баттулга нар Галуут сумын шинэ жилийн цэнгүүн дээр гардуулж өглөө. Тухайлбал Монгол Улсын Ерөнхийлөгчийн зарлигаар  "Хөдөлмөрийн Хүндэт медаль"-аар Галуут сумын Хүн эмнэлгийн эмч Б.Дэлгэрмаа, хувиараа хөдөлмөр эрхлэгч А.Гаваагомпил, аймгийн ИТХ-ын дээд шагнал "Соёрхол" тэмдэгээр Галуут сумын Цаг уурын станцын дарга Х.Дүүрэнхундага, хувиараа хөдөлмөр эрхлэгч Б.Лхамхүү, аймгийн "Тэргүүний ажилтан" цол тэмдэгээр Галуут сумын Цаг уурын станцын техникч Л.Мягмарсүрэн, аймгийн ИТХ-ын "Хүндэтгэл" шагналаар Л.Батцэрэн, С.Эрдэнэбат, Л.Дэмбэрэлсайхан, Э.Бодьбаатар, Б.Баттөмөр, аймгийн  Засаг даргын "Жуух бичиг"-ээр Галуут сумын Соёл, спортын төвийн номын санч Б.Болорцэцэг нар шагнагдлаа.