Өнгөрсөн Бямба гарагт сумын албан байгууллага, багууд, аж ахуйн нэгжүүдийн дунд мөсний баярын арга хэмжээг зохион байгуулан явууллаа. Мөсний баярын арга хэмжээгээр сумын аварга шалгаруулах цана, тэшүүрийн тэмцээн боллоо. Цанын тэмцээнд эрэгтэй 9 тамирчин оролцсоноос Баянхошуу багийн тамирчин Б.Баасанбат тэргүүн байранд шалгарсан бол хоёрдугаар байранд Хайрхан багийн тамирчин А.Батбаяр, гуравдугаар байрт Баянхошуу багийн тамирчин Д.Батэрдэнэ нар шалгарлаа. Харин эмэгтэйчүүдийн тэмцээнд 4 тамирчин оролцож тэргүүн байрыг Хайрхан багийн тамирчин Н.Бадамсүрэн, хоёрдугаар байранд  мөн багийн тамирчин М.Туяадэлгэр, гуравдугаар байрт мөн багийн залуу тамирчин Б.Бүжинлхам нар шалгарав. Тэшүүрийн тэмцээнд эрэгтэй 14 тамирчин оролцож Хайрхан багийн тамирчин Л.Баатарсүрэн тэргүүлсэн бол хоёрдугаар байрт Хайрхан багийн тамирчин О.Төрболд, гуравдугаар байрт Сүмбэр багийн тамирчин Д.Мөнх-Учрал, харин эмэгтэй тамирчдаас тэргүүн байранд Хайрхан багийн тамирчин Б.Бүжинлхам, хоёрдугаар байрт мөн багийн тамирчин Н.Бадамсүрэн шалгарсан бол гуравдугаар байрт Баянхошуу багийн тамирчин С.Цэцэнбилэг нар шалгарлаа.

             Багаараа оролцох тэмцээнд Иргэдийн Төлөөлөгчдийн хурал, Засаг даргын тамгын газрын баг, Номун Элч ахлах сургуулийн баг, Нарлаг цэцэрлэгийн баг, Соёлын төв Цаг уурын хамтарсан баг, Хайрхан багийн баг, Мандал багийн баг, Баянхошуу багийн баг зэрэг 7 баг оролцож тэмцээнүүдийн нийлбэр оноогоор Иргэдийн Төлөөлөгчдийн хурал, Засаг даргын тамгын газрын баг тэргүүн байранд шалгарсан бол хоёрдугаар байранд Нарлаг цэцэрлэгийн баг, гуравдугаар байрт Баянхошуу багийн баг тамирчид оролцсон байна.