Улс орон даяар зохион байгуулж буй гамшгийн бэлэн байдлыг сумын гамшгийн орон тооны бус штаб зохион байгуулж 16 цагт дуут дохиог ажиллуулж төрийн байгууллагууд иргэдийг идэвхтэй хамрууллаа. Бэлэн байдалд Засаг даргын тамгын газар 21 ажилтан оролцохоос 20 ажилтан, Номун Элч ахлах сургууль 57 ажилтан оролцохоос 47 ажилтан, Эрүүл мэндийн төв 27 ажилтан оролцохоос 15 ажилтан, Нарлаг цэцэрлэг 19 ажилтан оролцохоос 9 ажилтан, Соёлын төв 7 ажилтан оролцохоос 4 ажилтан, Цаг уурын станц 5 ажилтан оролцохоос 3 ажилтан, ХААН банк 4 ажилтан оролцохоос 4 ажилтан, Төрийн банк 4 ажилтан оролцохоос 2 ажилтан, Хайрхан багаас 1 иргэн, Баянхошуу багаас 3 ажилтан нийт 100 гаруй иргэд хамрагдлаа. Аранз үүргэвчний бэлэн байдлыг шалгахад 72 иргэн үүргэвч бэлдэн ирж, бүрэн хэрэглэлтэй үүргэвч бэлтгэж ирсэн Номун Элч ахлах сургуулийн цахилгаанчин Л.Бат-идэр шалгарч штабын шагналаар шагнагдсан бол байгууллага хамт олноо идэвхтэй хамруулсан Эрүүл мэндийн төвийн эрхлэгчийг мөн штабын шагналаар шагнаж урамшууллаа. Оролцогчидод газар хөдлөлтийн гамшгаас хамгаалах талаарх гарын авлага материалыг тарааж өглөө.